काठमाडौं–सरकारले संसदमा प्रस्तुत गरेको आगामी आर्थिक वर्ष २०७६/०७७ को नीति तथा कार्यक्रममाथिको छलफल आज (मंगलबार) सकिँदैछ । आजको बैठकमा सांसदहरुले नीति तथा कार्यक्रमका विषयमा उठाएका सवालको प्रधानमन्त्री केपी शर्मा ओलीले जवाफ दिने कार्यक्रम तय भएको छ ।
गत शुक्रबार संसद्मा प्रस्तुत कार्यक्रममाथि संसदमा तीन दिनसम्म छलफल भएको थियो । सोही छलफलमा सांसदले उठाएका प्रश्नको जवाफ प्रधानमन्त्रीले दिने कार्यक्रम रहेको संसद सचिवालयले जनाएकोछ ।
प्रधानमन्त्रीको जवाफपछि आजैको बैठकमा नीति तथा कार्यक्रम पारितको प्रक्रिया शुरु हुनेछ । संसदमा आगामी २७ गतेदेखि प्रि बजेटका विषयमा छलफल शुरु हुने संसद सचिवालले जनाएको छ।
प्रतिक्रिया