ओखलढुंगा– संविधानले भेदभाव र छुवाछुतलाई गैरकानूनी मान्छ, तर, व्यवहारमा त्यस्तो छैन । दलित प्रतिनिधिले समेत छुवाछुत व्यहोरिरहेका छन् । ओखलढुंगामा दलित जनप्रतिनिधिलाई योजना छनोटमा निषेध गर्ने र बजेट समेत रोक्ने गरेको पाइएको छ ।

सिद्धचरण नगरपालिका १२ का वडा सदस्य सुनिता नेपाललीले सडकबाट दलित बस्तीसम्म जाने घोडेटो बाटो र खानेपानीको लागि योजना माग गरेको दुई पटक भयो । योजना सूचीमा राखिन्छ तर बजेट पर्दैन । दलित भएकै कारण सुनुवाइ नभएको उनले गुनासो गरिन् ।

उक्त वडाको दलित बस्तीमा खानेपानीको समस्या मात्र होइन टोलटोलसम्म पुग्ने गोरेटो बाटो निकै अप्ठेरो छ । नेपालीले भनिन, ‘गाउँमा विकास निर्माणमा दलित बस्तीमा योजना नै पारिंदैन ।’