फ्रान्स– छात्रहरुविरुद्ध हुँदै आएको यौन दुव्र्यवहारविरुद्ध कुनै कदम नचालेको अभियोगमा फ्रान्सका एकजना क्याथोलिक धर्मगुरुलाई अदालतले दोषी ठहर गरेको छ ।

लियोँ शहरका क्याथोलिक धर्मगुरु कार्डिनल फिलिप बर्बेनले आफ्नो धार्मिक क्षेत्राधिकारभित्र छात्रहरुविरुद्ध भएको यौन दुव्र्यवहारविरुद्ध कुनै कदम नचालेको भन्दै उनलाई ६ महिनाको निलम्बित जेल सजाय समेत सुनाइएको छ ।

उनले १० दिन भित्र उपल्लो अदालतमा पुनरावेदन दिनसक्ने छन् । एकजना धर्मगुरुले सन् १९८० तथा ९० को दशकमा आफ्ना छात्रहरुविरुद्ध यौन दुराचार गरेको थाहा पाउँदा पाउँदै पनि कुनै कदम नचालेकोमा उनलाई दोषी ठहर गरिएको हो ।

यौन दुराचारको मामिलामा दोषी ठहर हुने उनी फ्रान्सको क्याथोलिक चर्चका सबैभन्दा उच्च पदस्थ धर्मगुरु हुन् ।