अफगानिस्तान– उच्चस्तरीय राजनीतिक समारोह भइरहेको स्थाननजिकै अफगानिस्तानको राजधानी काबुलमा विष्फोट हुँदा कम्तीमा तीन जनाको मृत्यु भएको छ ।

अफगानिस्तानको पीडी १३ भन्ने स्थानमा भएको विष्फोटनमा अन्य १९ जना घाइते भएका छन् । शिया हजारा समुदायका धार्मिक नेता अब्दुल अली मिजारीको मृत्यु भएको २४ औँ स्मृति दिवसको अवसरमा आयोजित कार्यक्रमलाई लक्षित गरी रकेट आक्रमण भएको जनाइएको छ ।

कार्यक्रममा अफगानिस्तमाका प्रमुख कार्यकारी अब्दुल्लाह अब्दुल्लाह, पूर्व राष्ट्रपति हमिद कारजाई, सभामुख मोहम्मद युनुस कानूनी तथा विदेशमन्त्री सलाहुद्दिन बुरहानीलगायत उच्च राजनीतिक पदाधिकारीको उपस्थिती थियो ।

आक्रमणमा सबै उच्च पदाधिकारी सुरक्षित रहेको अफगान अधिकारीले जनाएका छन् । आक्रमणपछि प्रहरीले एकजना संदिग्ध आक्रमणकारीलाई पक्राउ गरेको जनाएको छ ।

आक्रमणको जिम्मा कुनै पक्षले पनि लिएको छैन । यद्यपि काबुलमा इस्लामिक स्टेट तथा तालिबानले सैनिक तथा गैरसैनिक निशानालाई लक्षित गरी बेलाबेला आक्रमण गर्दै आएका छन् ।