काठमाडौं– जनक शिक्षा सामग्री केन्द्रले कक्षा १ देखि १० सम्मका अनिवार्य पाठ्यपुस्तकहरुको नयाँ मूल्यसूची सार्वजनिक गरेको छ । जनक शिक्षाले नयाँ शैक्षिकसत्रका लागि नयाँ पुस्तकको मूल्यसूची तोकिएको र निर्धारित मूल्यमा मात्र पाठ्यपुस्तक खरिद विक्रि गर्नुहुन सवैमा अनुरोध गरेको छ ।

नयाँ मूल्यसूची अनुसार कक्षा १ को एक सेट (पाँच थान पुस्तक)को मूल्य रु–२४६ पर्ने जनाएको छ । त्यसैगरी कक्षा २ को पाँच थान पुस्तकको मूल्या रु–२३८, कक्षा ३ को पाँच थान पुस्तकको रु–२९२, कक्षा ४ को पाँच थान पुस्तकको मूल्य रु–३४२ र कक्षा पाँच को पाँच थान पुस्तकको मूल्य रु–३७० पर्ने सूचनामार्फत जानकारी दिएको छ ।

त्यसैगरी जनकशिक्षाले कक्षा ६, ७ र ८ का अनिवार्य ९ थान पुस्तकको मूल्य क्रमशः रु ४४९, रु–५०२, रु ५४४ निर्धारण गरिएको जनाएको छ । त्यस्तै कक्षा ९ को अनिवार्य ६ पुस्तकको मूल्य रु–४४३ र कक्षा १० का अनिवार्य ६ पुस्तकको मूल्य रु–४५१ रुपैयाँ तोकिएको छ ।