चितवन– चितवनमा अटो टेम्पो दुर्घटना हुँदा पाँचजनाको मृत्यु भएको छ । ना १ ह ६४०९ नम्बरको टेम्पो दुर्घटना हुँदा पाँच जनाको मृत्यु भएको छ भने एक जना गम्भीर घाइते भएका छन् ।
चितवनको राप्ती नगरपालिका वडा नम्बर ४ चेपाङमार्गको भित्रि सडकबाट चौकीडाँडातर्फ आउँदै गरेको अटो टेम्पो दुर्घटनामा परेको प्रहरीले चितवन प्रहरी प्रवक्ता एकनारायण कोइरालाले जानकारी दिए । पिकनिकबाट फर्कदै गर्दा टेम्पो दुर्घटनामा परेको जनाइएको छ ।
प्रहरीका अनुसार मृत्यु हुनेमा एकजनाको मात्रै नाम खुलेको छ । कुस्माका श्यामप्रसाद तिवारीको सनाखत भए पनि बाँकी चार जनाको सनाखत हुन सकेको छैन ।
प्रतिक्रिया