झापा – श्रीमानले चलाएको मोटरसाइकलबाट लडेर श्रीमतीको मृत्यु भएको छ । मृत्यु हुनेमा कमल गाउँपालिका ७ बस्ने ५३ वर्षीया ज्ञानदेवी धिमाल रहेकी छिन् ।
प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठका अनुसार कमल गाउँपालिका ७ बाह्रघरे चोकस्थित पाडाजुंगी-गौरीगञ्ज भित्री सडक खण्डमा शनिबार भएको दुर्घटनामा धिमालको ज्यान गएको हो ।
उत्तरबाट दक्षिणतर्फ जाँदै गरेको मे ११ प १२२९ नम्बरको मोटरसाइकल तुलसीराम धिमालले कुदाइरहेको अवस्थामा पछाडि सवार उनकी श्रीमती ज्ञानदेवी सडकमा लडेर गम्भीर घाइते भएकी थिइन्। घाइते उनलाई उपचारका लागि लाइफ लाइन अस्पताल दमक पुर्याएलगतै डाक्टरले मृत घोषणा गरेको प्रहरीले जनाएको छ।
प्रतिक्रिया