काठमाडौं- एएफसी यू–१९ च्याम्पियनसिप छनोटको पहिलो खेलमा नेपाल यूएईसँग ४–० गोल अन्तरले पराजित भएको छ ।

इरानमा जारी खेलमा नेपालले खेलको २७ औं मिनेटमा पहिलो गोल खाएको थियो । खेलमा नेपालको निकै फितलो प्रदर्शन रह्यो । नेपालको कमजोरीको फाइदा उठाउँदै यूएईले ४ गर्न सफल भएको हो ।

खेलको ३८ औं मिनेटमा एशा खलफान अल हरसीले गोल गर्दै युएईको अग्रता दोब्बर बनाएका थिए । पहिलो हाफमा दुई गोलले पछि परेको अवस्थामा यूएईले दोस्रो हाफमा पनि थप २ गोल गर्दै ४-० ले विजयी भयो ।

खेलको ८५ औं मिनेटमा खलिफा युसुफले यूएइका लागि तेस्रो गोल गरेका थिए । खेलको ९६ औं यूएईले चौथो गोल थप्यो । उसका लागि सब्सिच्युट खेलाडी अब्दुल्ला हामदले गोल गरेका थिए ।