भारतीय अभिनेत्री स्वरा भास्कर फेरि एकपटक विवादमा आएकी छिन् । उनले ४ वर्षीय एक बच्चालाई अपमानजनक शब्द प्रयोग गर्दै गाली गरेपछि विवादमा मुछिएकी हुन् ।

सामाजिक सञ्जालमा भाइरल भइरहेको एक भिडियो क्लिपमा स्वराले एक बालकलाकारका लागि असंवेदनशील टिप्पणी गरेकी छिन् । यही कारणले स्वराले ट्रोलको समेत सामना गर्नुपरेको छ ।

भाइरल भइरहेको भिडियोमा स्वराले बालकलाकारलाई खुलेर गाली गरेकी छिन् । उनले बालकले आन्टी भन्दा आफूलाई रिस उठेकी बताएकी छिन् । स्वरा रिसाउनुको कारण ती बालकले ‘आण्टी’ भनेका थिए ।

भिडियोमा स्वराले ४ वर्षको बालकलाई गाली दिइरहेकी हुन्छिन् । साथै उनले कमिना शब्दको पनि प्रयोग गर्छिन् । उनले भन्छिन्, ‘मेरो करिअर पनि शुरु भएको थिएन, उसले मलाई आन्टी भन्यो ।’

उनले ती बच्चामाथि आफ्नो दया आएको पनि बताइन् । यता सामाजिक सञ्जालमा भने उनलाई कारवाही गर्नुपर्ने भन्दै आवाज उठेको छ । यसअघि पनि स्वरा भास्कर आफ्नो बोलीका कारण विवादमा आउने गर्थिन् ।