काठमाडौं–हामी पर्यटन वर्षको संघारमा आइपुगेका छौं । प्राकृतिक, धार्मिक र साँस्कृतिक हिसाबले पर्यटकको स्वागत गर्ने तयारीमा लागिपरेका छौं ।

कतै भत्किएका सम्पदाहरु पुनर्निर्माण भइरहेका छन् त कतै नयाँ संरचना बनिरहेका छन् । त्यस्तै कतै सडकमै ढकमक्क फूल फुलिरहेका छन् ।

यसैबीच लुम्बिनी भ्रमणवर्षलाई लक्षित गर्दै पहिलो पटक बुटवलका सडकमा गरिएको पुष्पखेती शुरु भएको छ ।

बुटवलदेखि लुम्विनीसम्मका सडक यतिबेला फूलले रंगीचंगी बनेका छन् ।

आन्तरिक तथा बाह्य पर्यटकको स्वागतका लागि ३ महिनाअघि सडक पुष्प खेती शुरु गरिएको थियो । गर्न सकेमा सडकमै फूल फुलाउन सकिन्छ भन्ने उदाहरण समेत बनेको छ यो सडक ।

यो सडक पुष्प खेतीले लुम्विनी भ्रमण वर्षसँगै नेपाल भ्रमण वर्ष २०२० लाई सफल बनाउन पनि ठूलो सहयोग पुग्ने बुटवलवासीको अपेक्षा छ ।

यस प्रदेशमा पर्ने लुम्विनी, तिलौराकोट, जितगढी किल्ला, पाल्पा दरवार, रानी महल, रेसुङ्गा डाँडा सुपा देउराली, स्वर्गद्वारी त्रिवेणी लगायतका दर्जनौं पर्यटकीय स्थल यस प्रदेशभित्र पर्दछन् ।

तस्वीर : रमेश पाण्डे