काठमाडौं- सामाजिक अभियन्ता तथा सरसफाई दूत सिताराम कट्टेल (धुर्मुस) तथा पत्नी कुन्जना घिमिरे (सुन्तली) बर्दिवासस्थित मुसहर बस्तीमा पुगेका छन् ।

सरसफाई कार्यक्रमका क्रममा उनीहरु आफैले निर्माण गरेको एकीकृत नमुना मुसहर वस्तीमा पुगेका हुन् । त्यहाँ उनीहरु मुसहर समुदायका बालबालिकासँग रमाए । मङ्गलबार दिउँसो बर्दिवासमा सरसफाइ कार्यक्रममा सहभागी हुन पुगेको समयमा उनीहरुले एकीकृत नमुना मुसहर वस्तीका बालबालिकासँग रमाइलो गरेका हुन् ।

गोरखा भूकम्प पश्चात उनीहरुले एकीकृत नमुना वस्तीका रुपमा पहिलो पटक काभ्रेको पहरी वस्ती निर्माण गरेका थिए भने दोस्रो एकीकृत नमुना वस्तीका रुपमा सिन्धुपाल्चोकको गिरनचाैरमा वस्ती निर्माण गरेका थिए ।

हाल उनीहरुले चितवनमा अन्तर्राष्ट्रिय क्रिकेट रंगशाला निर्माण गरिरहेका छन् ।