काठमाडौं- यौन दुर्व्यवहारको आरोप लागेका निर्वतमान सभामुख कृष्णबहादुर महरालाई प्रहरीले पक्राउको तयारी थालेको छ ।

सादा पोशाकका प्रहरी सभामुख निवास बालुवाटर प्रवेश गरेका छन् ।

प्रहरीले जिल्ला अदालत काठमाडौंबाट पक्राउ पुर्जी लिएपछि प्रहरी बालुवाटर पुगेको हो । महरा विरुद्ध फौजदारी अपराध संहिता अनुसार मुद्दा चलाउन प्रहरीले उनलाई नियन्त्रणमा लिने तयारी थालेको हो ।

प्रतिनिधिसभाका सभामुख कृष्णबहादुर महराबाटै आफूमाथि जबर्जस्ती करणी प्रयास भएको भन्दै शुक्रबार रोशनी शाहीले प्रहरीमा उजुरी दिएसँगै महरा नियन्त्रणमा आउने पक्का भएको हो ।

असोज १३ गते सोमबार महराले आफुलाई बलत्कारको प्रयास गरेको भन्दै रोशनी शाहीले मिडिया मार्फत बोलेकी थिएन। मंगलबार भने पुनः शाहीले महरा आफ्नो बाबु समान रहेको र आफूँ माथि बलात्कारको प्रयास नआएको भन्दै बोलि परिर्वतन गरेकी थिइन्।

शुक्रबार मात्रै महराबाट बलात्कारको प्रयास भएको भन्दै बानेश्वर प्रहरीमा जाहेरी दिएकी थिइन। आरोप लागेसँगै असोज १४ गते मंगलबार सभामुख पदबाट महराले राजिनामा दिएका थिए।

जनप्रतिनिधिले फौजदारी अभियोग गरेको अवस्थामा प्रहरीले पक्राउ गर्न सक्ने नेपाल कम्युनिस्ट पार्टी नेकपाका संसदीय दलका उपनेता सुबास नेम्बाङले जानकारी दिए ।

नेम्बाङले भने, सांसदलाई पनि फौजदारी अभियोग लागेमा उपसभामुखलाई जानकारी गराएर प्रहरीले पक्राउ गर्न सकिन्छ ।