काठमाडौं – एसीसी यु–१९ एसिया कपको पहिलो खेलमा नेपाली युवा टोली श्रीलंकासँग ५ विकेटले पराजित भएको छ ।

श्रीलंकाको कोलम्बोस्थित आर प्रेमादशा अन्तर्राष्ट्रिय क्रिकेट मैदानमामा भएको खेलमा नेपालले दिएको १सय६०रनको लक्ष्य श्रीलंकाले ३३.४ ओभरमा पुरा गर्यो ।

नेपालका बलरले विकेट हात पार्न नसक्दा नेपाली टोलीले पहिलो खेलमा हार व्यहोरेको हो । त्यसोत, नेपालले दिएको लक्ष्य पनि मध्येम नै थियो ।

नेपालविरुद्ध ५ विकेटको जित हात पारेको श्रीलंकाका लागि कामिल मिश्राले उत्कृष्ट ब्याटिङ गर्दै अर्धशतकसहित ५५ रन बनाए ।

यस्तै, अन्य ब्याट्सम्यानले अहान विक्रसिन्हाले ३० रन, अभिषेक तारिन्दुले २५ रन र कप्तान निपुन धनन्जयले १८ रन बनाएका थिए ।

श्रीलंकाविरुद्ध नेपाली बलर राशिद खानले २ विकेट हात पारे भने सागर ढकाल र पवन शरार्फले समान एक–एक विकेट लिए ।

यसअघि टस जितेृर पहिलो ब्याटिङ गरेको नेपालले ४२ ओभर खेल्दै ९ विकेट गुमाएर १ सय ५९ रन बनाएको थियो । नेपालका लागि ओपनिङ ब्याट्सम्यान रित गौतम र कप्तान रोहित कुमार पौडेलले उत्कृष्ट ब्याटिङ गरे ।

रितले ८५ बलमा ४ चौकाको मद्दतमा ५४ रन बनाएका थिए भने रोहितले ८० बलमा ४७ रन बनाए । यस्तै, राशिद खानले १५ रन बनाए भने हरि बहादुर चौहानले १२ रन मात्रै बनाउन सके ।

टस जितेर पहिलो ब्याटिङ गरेको नेपालले ९ ओभर खेलिरहँदा बर्षा भएपछि खेल ४२ ओभरमा घटाइएको थियो ।
नेपालविरुद्ध घरेलु टोलीका बलरहरुमा दिलसान मुघुसंख र नवोद परनाभिथानाले समान ३–३ विकेट लिए ।

पहिलो खेलमा पराजित भएको नेपाली टोलीले अब दोस्रो खेल आइतबार बंगलादेशसँग खेल्नेछ ।