काठमाडौं – यो वर्ष देशभर ८६ प्रतिशत धान रोपाइँ सम्पन्न भएको छ । कृषि तथा पशुपन्क्षी विकास मन्त्रालयकाअनुसार साउनको तेस्रो सातासम्म ८६ प्रतिशत धान रोपाइँ सम्पन्न भएको हो ।

गत वर्ष यही अवधिमा ८९ प्रतिशत रोपाइँ सम्पन्न भएको थियो । मन्त्रालयको तथ्याङ्कअनुसार सुदूरपश्चिम प्रदेशमा सबैभन्दा धेरै ९५ दशमलब ३३ प्रतिशत रोपाइँ सम्पन्न भएको छ ।

त्यसैगरी प्रदेश नम्बर १ मा ८० दशमलब १३ प्रतिशत, २ नम्बर प्रदेशमा ८१ दशमलब १९ प्रतिशत, ३ नम्बर प्रदेशमा ८८ दशमलब १३ प्रतिशत, गण्डकी प्रदेशमा ८६ दशमलब ५९ प्रतिशत, ५ नम्बर प्रदेशमा ८८ दशमलब ८६ प्रतिशत र कर्णाली प्रदेशमा ९४ दशमलब १० प्रतिशत रोपाइँ सम्पन्न भएको छ ।

८६ प्रतिशतमध्ये ११ वटा जिल्लामा सतप्रतिशत रोपाइँ सम्पन्न भएको छ । रोपाइँ सक्ने जिल्लाहरुमा डोल्पा, हुम्ला, जुम्ला, मुगु, प्युठान, रुकुम, रोल्पा, कालिकोट, काठमाडौं, ललितपुर र भक्तपुर रहेका छन् ।