काठमाडौं– धितोपत्र बजार मंगलबार झण्डै १० अंकले गिरावटा आएको छ । नेपाल स्टक एक्सचेञ्जका अनुसार नेप्से परिसूचक ९ दशमलव ३६ अंकले घटेको हो ।

नेप्सेका अनुसार १ हजार २ सय ५५ दशमलव ७५ विन्दुबाट शुरु भएको कारोबारमा गिरावट आएर १ हजार २ सय ४५ दशमलव ७३ अंकमा पुगेको हो । साताको शुरुकै दिनबाट ओरालो लागेको शेयर बजार आज यो साताकै उच्च विन्दुले गिरावट आएको हो ।

मंगलबार कारोवार भएका सबै समुहको परिसूचकमा गिरावट आएको छ । निर्जिवन बिमा समुहको कारोबारमा सबैभन्दा धेरै ४० दशमलव ९७ अंकले गिरावट आएको शेयर बजारका सबै सूचक नकारात्मक बन्दा बजार नै प्रभावित बनेको हो ।

आज कारोवार भएकामध्ये लक्ष्मी लघुवित्तका लगानीकर्ताले प्रतिशेयर १२ रुपैयाँ नाफा कमाए पनि स्वाभिमान लघुवित्तका लगानीकर्ताले सबैभन्दा धेरै प्रतिशेयर ७६ रुपैया घाटा व्यहोरेका छन् ।