काठमाडौं – मौद्रिक नीतिमा अनुरुप नेपाल राष्ट्र बैंकले बैंक तथा वित्तीय संस्थालाई ऋण प्रदान गर्न निर्देशन दिएको छ ।

सोमबार सूचना जारी गर्दै राष्ट्र बैंकले कृषि ऋणका सम्बन्धमा मौद्रिक नीतिमा अनुरुप कर्जा प्रदान गर्न निर्देशन दिएको हो ।

राष्ट्र बैंकले १५ लाख रुपैयाँसम्मको ऋण ७ दिनभित्रै उपलब्ध गराउन र ऋण दिन नमिल्ने भएमा के कारणले दिन नसकिएको हाे ग्राहकलाई जानकारी दिन पनि निर्देशन दिएको छ ।

यस्तै कृषि ऋण दिँदा मोटरबाटो नपुगेको क्षेत्रको घरजग्गालाई पनि धितोको रुपमा स्वीकार गर्नुपर्ने र कर्जा दिनु पहिले कुनै पनि प्रकारको शुल्क लिन नपाउने राष्ट्र बैंकले जनाएको छ ।

त्यसैगरी राष्ट्र बैंकले लघुवित्त वित्तीय संस्थालाई कृषिमा कूल कर्जाको एकतिहाइै कर्जा लगानी गर्नैपर्ने निर्देशन जारी गरेको छ । कूल कर्जाको एक तिहाई कर्जा कृषि क्षेत्रमा लगानी गर्नुपर्ने र त्यसो नभएमा नपुग रकममा २०७७ सालको असार मसान्तदेखि लघुवित्त संस्थाले गणना अवधिमा कर्जामा लिने अधिकतम ब्याजदरले हुने रकम हर्जना तिराइने राष्ट्र बैंकले जनाएको छ ।