काठमाडौं- आईसीसी विश्वकप क्रिकेटमा आज (शनिबार) भारत र श्रीलंकाबीच प्रतिस्पर्धा हुदैछ ।

भारत यो खेल अगावै सेमिफाईनलमा स्थान पक्का गरिसकेको छ । श्रीलंका भने यो खेलमा जीत हासिल गर्दै प्रतियोगिताको सुखद अन्त्य गर्ने दाउमा हुनेछ ।

सेमिफाइनलको खेल अगाडी गल्तीहरु सच्चाउन श्रीलंकाविरुद्वको खेल भारतलाई लाभकारी हुनेछ ।

भारतलाई मुख्य रुपमा चार नम्बर ब्याट्सम्यानले सताएको छ । मयांक अग्रवाल टिमसग जोडिएका छन् । उनलाई भारतीय टिमले एक मौका दिन सक्नेछ । लड्समा हुने खेल नेपाली समय अनुसार अपरान्ह पौने ३ बजे शुरु हुनेछ ।

यता श्रीलंका विश्वकपमा आफ्नो खराब प्रर्दशन भुल्न चाहन्छ । श्रीलंकाका ब्याट्सम्यान मुख्य गरि आलोचित छन् । कप्तान दिमुथ करुणारत्ने नयाँ र युवा छन् ।

एन्जेलो म्याथयुज र लाथिस मालिङासंगै थिसेस परेरा जस्ता खेलाडी भएपनि उनीहरुले उल्लेख्य प्रर्दशन गर्न सकेनन् । उनीहरुले ठुलो खेलमा वेस्ट ईन्डिजलाई हराएका थिए ।