काठमाडौं– खेलकुद सामग्रीको उत्पादक कम्पनी ‘केल्मे’ नेपाली खेलकुद अवार्ड प्रायोजकको रुपमा भित्रिएको छ ।

नेपाल खेलकुद पत्रकार मञ्च र केल्मे कम्पनी आगामी असार १७ गते आयोजना हुने ‘पल्सर स्पोर्टस् अवार्ड’ का लागि आवश्यक पोशाक उपलब्ध गराउने समझदारी भएको हो ।

कार्यक्रममा उत्कृष्ट प्रशिक्षक, महिला र पुरुष खेलाडी, पपुलर अवार्ड, पिपल्स च्वाईस अवार्ड पनि वितरण गरिने मंचका महासचिव प्रज्वल ओलीले जानकारी दिए । सो अवार्डका लागि गत आइतबार नै पिपल्स च्वाईस अवार्डको मनोनयन सार्वजनिक भएको थियो ।

जसमा क्रिकेटमा सन्दिप लामिछाने, भलिबलकी रेश्मा भण्डारी, व्याटमिन्टनका प्रिन्स दाहाल, महिला राष्ट्रिय फुटबलर सावित्रा भण्डारी, शारिरीक सुगठनका महेश्वर महर्जन रहेका छन् । कार्यक्रममा केल्मेको नेपाल शाखाको आधिकारिक वेबसाईट पनि सार्वजनिक गरिएको थियो ।