काठमाडौं – ‘मिसेस मंगोल नेपाल २०१९’ उपाधि विमला पाइजाले जितेकी छिन् । १३ प्रतिस्पर्धीहरुलाई पछि पार्दै उनले ‘मिसेस मंगोल नेपाल २०१९’ को ताज हात पारेकी हुन् ।

मंगलवार राजधानीको राष्ट्रिय नाचघरमा भएको फाइनलमा ‘मिसेस मंगोल नेपाल २०१९’ को उपाधि बिमला पाइजाले चुम्दा फस्ट रनरअपको उपाधि शान्ति तामाङले आफ्नो पोल्टामा पारिन् । यस्तै ‘मिसेस आर्यन नेपाल २०१९’को ताज कविता ढकालले जितिन् ।

‘मिसेस मंगोल नेपाल २०१९’ को निर्णायकले सोधेको प्रश्नको उत्कृष्ट जवाफ दिँदै विमलाले उपाधि जितिन् । यस्तै बेस्ट ट्यालेन्टको उपाधि पनि विमलाकै पोल्टामा पर्‍यो । विजेताले ताज, ट्रफि र प्रमाणपत्र प्रदान गरिएको थियो ।

मंगोलियन समुदायका विवाहित महिलाहरुको क्षमता अभिवृद्धि र सामाजिक काममा अग्रसर गराउने उद्देश्यले आयोजना गरिएको ‘मिसेस मंगोल नेपाल २०१९’ लाई एमाजोन इन्टरटेन्मेन्टले आयोजना गरेको थियो ।

विजेताहरुलाई ताज, ट्रफी, प्रमाणपत्र एमाजोन इन्टरटेन्मेन्टका अध्यक्ष कमल खतिवडा, अफिसिय कोरियोग्राफर हिमानी सुब्बा, जजहरुले प्रदान गरेका थिए ।