काठमाडौं– संघीय राजधानी काठमाडौंको कोटेश्वर चोक नजिक शंकास्पद वस्तु भेटिएको छ ।

कोटेश्वर चोक नजिकै शंकास्पद भेटिएपछि प्रहरीको टोली घटनास्थलमा पुगेको छ । प्रहरीले शंकास्पद वस्तु बम हुनसक्ने भन्दै घटनास्थल घरेर राखेको छ ।

शंकास्पद वस्तु डिस्पोजका लागि नेपाली सेनालाई खबर गरिएको महानगरीय प्रहरी बृत्त नयाँ बानेश्वरका प्रमुख प्रहरी नायव उपरीक्षक गोविन्द काफ्लेले जानकारी दिए ।

कोटेश्वर चोकबाट तीनकुनेतर्फ करिब २०० मिटर अगाडि संकास्पद बस्तु भेटिएको हो ।

प्रहरीले शंकास्पद वस्तु भेटिएपछि कोटेश्वर–तीनकुने खण्डको सडक खाली गराएको छ । जसका कारण कोटेश्वर क्षेत्रमा अहिले सवारी जाम बढेको छ ।

ट्राफिक प्रहरीले काटेश्वर चोक भएर चल्ने सवारी साधनलाई वैकल्पिक बाटो प्रयोग गर्न आग्रह गरेको छ ।