काठमाडौं – पूरै विश्वभर धूम मच्चाएको फिल्म ‘एभेन्जर्सः इन्डगेम’ ले नयाँ-नयाँ रेकर्ड राखेको छ । हेरेका दर्शकले फिल्मको जबरजस्त प्रतिक्रिया दिइरहेका छन् । फिल्मको कथाले एक काल्पनिक दुनियाँमा लैजान्छ, जसलाई दर्शकले रुचाएका छन् ।

यो फिल्मले अहिलेसम्म विश्वभरबाट २.१८८ बिलियन (नेपाली रुपैयाँ २४,२७,५८,६०,००,००,०००.००) डलर कमाइ गरेको छ । कमाइको रफ्तार रोकिएको पनि छैन । फिल्मले कमाइ गरिरहेको छ । आजका दिनसम्म यो फिल्मले विश्वभरमा सबैभन्दा धेरै कमाउनेमा दोस्रो फिल्म बनेको छ ।

यसअघि फिल्म ‘अवतार’ ले विश्वमै सबैभन्दा धेरै कमाइ गरेर रेकर्ड राखेको थियो । यो रेकर्ड पनि ‘एभेन्जर्सः इन्ड गेम’ ले तोड्न सक्ने देखिएको छ ।

‘एभेन्जर्सः इन्ड गेम’ ले विश्वभर नै निकै लोकप्रियता कमाएको छ । फिल्मको नेपालमा पनि उत्तिकै चर्चा भइरहेको छ । नेपालमा यो फिल्मको अग्रिम बूकिङ पनि आक्रामक थियो ।

यी हुन् विश्वमा सबैभन्दा धेरै कमाउने उत्कृष्ट १० फिल्म:

१. अवतार

२. एभेन्जर्सः इन्ड गेम

३. टाइटानिक

४. स्टार वार्सः द फोर्स अवेकन्स

५. एभेन्जर्सः इन्फिनिटी वार

६. जुरासिक वर्ल्ड

७. द एभेन्जर्स

८. फ्युरियस ७

९. एभेन्जर्सः एज अफ अल्र्टन

१०. ब्ल्याक प्यान्थर