मोरङ– प्रदेश १ को राजधानी घोषणाको विषयलाई लिएर पूर्वका विभिन्न जिल्लामा विरोध शुरु भएको छ । आ–आफ्नो जिल्लामा राजधानी हुनुपर्ने माग राग्दै आन्दोलन शुरु भएको हो ।
सोमबार विराटनगरबासीले प्रदेश राजधानी विराटनगरमै हुनपर्ने माग राख्दै विरोध प्रदर्शन गरेका हुन् । प्रदर्शनमा उत्रिएका स्थानीयले बिहानै देखि चोक चोकमा तार बानेर सडक अबरोध गरेका थिए ।
बिराटनगरको कन्चंबारी , घास चोक लगायतका स्थानमा सडक अबरोध गरिएको थियो । प्रदर्शनका कारण यातायात तथा शैक्षिक संस्था चल्न सकेकनन् ।
प्रदेश १ को राजधानीका लागि विराटनगर, धरान, इटहरी, गोठगाउँ (मोरङ) र धनकुटाले पनि माग गर्दै आएका छन् ।
प्रतिक्रिया