मुम्बई – जब बलिउड अभिनेत्री प्रियंका चोपडाका भाइ सिद्धार्थ चोपडाको बिहे इशिता कुमारसँग हुने खबर तोडियो, त्यसपछि प्रियंका चोपडा पनि चर्चामा छिन् । यी दुईको बिहे हुने भनिएको थियो । त्यो बेलाको तस्वीर सामाजिक सञ्जालमा भाइरल भएको थियो ।

अब इशिताले आफ्नो इन्स्टाग्रामबाट ती तस्वीर हटाइसकेकी छिन् । अप्रैलको अन्तिम हप्ता यी दुईको बिहे हुने कुरा थियो । यसैका लागि प्रियंका पनि मुम्बई आएकी थिइन् तर अन्तिम समयमा आएर यी दुईको बिहे रोकिएको थियो ।

यसको के कारण हुनसक्छ भनेर मिडियामा अनेक खालका समाचार आएका थिए । हालै प्रियंकाकी आमा मधु चोपडाले यसको वास्तविकता खुलासा गरेकी छिन् । उनका अनुसार सिद्धार्थले यो महसूस गरे कि, उनी अझैसम्म पनि बिहेका लागि तयार छैनन् । र, केही समय चाहन्छन् ।

यसअघि मधु चोपडाले भनेकी थिइन् कि, सिद्धार्थ इशिताले सहमतिमै यो बिहे नगर्ने फैसला गरेका थिए । यसअघि सन २०१५ मा सिद्धार्थले आफ्नी गर्लफ्रेन्ड कनिका माथुरसँग बिहे गर्ने भनेका थिए । त्यतिबेला पनि अन्तिम समयमा आएर रिजेक्ट गरेका थिए ।