काठमाडौं– भारतमा आज पाँचौ चरणको चुनाव अन्तर्गत मतदान शुरु भएको छ । लोकसभा चुनाव अन्तर्गत सात राज्इको ५१ सीटका लागि मतदान शुरु भएको हो ।

बिहार, झारखण्ड, उत्तर प्रदेश, पश्चिम बंगाल, जम्मू कश्मीर, राजस्थान तथा मध्यप्रदेशमा मतदान शुरु भएको हो ।

यो चरणमा कांग्रेस अध्यक्ष राहुल गान्धी, यूपीए प्रमुख सोनिया गान्धी, गृहमन्त्री राजनाथ सिंह, केन्द्रीय मन्त्री स्मृति ईरानी, राज्यवर्धन सिंह र महबूबा मुफ्ती जस्ता हस्तीहरुको फैसला मतदाताले गर्नेछन् ।

५१ सीटमा ६७४ उम्मेदवार मैदानमा उत्रिएका छन् । यस चरणका साथ लोकसभाको ४२५ सीटका लागि मतदानको काम पूरा हुने छ ।

पाँचौं चरणका करीब ८.७५ करोड मतदाताले मताधिकारको प्रयोग गर्नेछन् । जसमा करीब ४.६३ करोड पुरुष र ४.१२ करोड मतदाता छन् ।