काठमाडौं– सत्य निरुपण तथा मेलमिलाप आयोगका अध्यक्ष सूर्यकिरण गुरुङले पदबाट राजीनामा दिएका छन् ।

अध्यक्ष गुरुङले आयोगका सदस्य श्रीकृष्ण सुवेदीलाई राजीनामा दिएका हुन् । बेपत्ता पारिएका व्यक्तिको छानविन, सत्य निरुपण तथा मेलमिलाप आयोग ऐन, २०७१ आयोगको अध्यक्षले प्रधानमन्त्रीलाई राजीनामा दिने प्रावधान छ । तर, गुरुङले भने आयोगको तेस्रो वरियताका सदस्य सुवेदीलाई राजीनामा बुझाएका छन् ।

२७ माघ २०७१ को मन्त्रिपरिषद बैठकले पूर्वराजदूत गुरुङलाई सत्य निरुपण तथा मेलमिलाप आयोगको अध्यक्षमा नियुक्त गर्ने निर्णय गरेको थियो । आयोगको सदस्यमा वरिष्ठ अधिवक्ता लिला उदासी, अधिवक्ता श्रीकृष्ण सुवेदी, समाजशास्त्री डा. माधवी भट्ट र उपप्रध्यापक मञ्चला झा नियुक्त भएका थिए ।

समितिका पदाधिकारीको म्याद आगामी चैतसम्मका लागि थियो ।