एजेन्सी– उत्तर कोरियाका आणविक तथा क्षेप्यास्त्र अmभै सुरक्षित रहेको संयुक्त राष्ट्रसंघका विशेषज्ञको समूहको प्रतिवेदनमा उल्लेख भएको एएफपीले जनाएको छ ।

संयुक्त राष्ट्रसंघको गोप्य प्रतिवेदनमा उत्तर कोरियामाथि लगाइएको नाकाबन्दी प्रभावहीन रहेको र आफ्ना क्षेप्यास्त्र तथा आणविक सम्पत्तीलाई उत्तर कोरियाले विमानस्थल तथा अन्य स्थानमा लुकाएर राखेको एएफपीले जनाएको छ ।

‘‘आक्रमणबाट जोगाउन उत्तर कोरियाले आफ्ना हतियारलाई विमानस्थल तथा अन्य सार्वजनिक स्थानमा लुकाएर राखेको हामीले थाहा पाएका छौँ ।’’ संयुक्त राष्ट्रसंघका विशेषज्ञको गोप्य प्रतिवेदनलाई उद्धृत गर्दै एएफपीले लेखेको छ ।

यो गोप्य प्रतिवेदन चाँडै संयुक्त राष्ट्रसंघ सुरक्षा परिषद्मा पठाइने जनाइएको छ । अमेरिकी राष्ट्रपति डोनाल्ड ट्रम्पले उत्तर कोरियाली सर्वोच्च नेता किम जोङ उनबीच भियतनाममा शिखर वार्ता हुने मिति सावजनिक गरेपछि यो प्रतिवेदन आएको हो ।