काठमाडौं– नेपालमा चिकित्सा शिक्षा अध्ययन शुल्क हरेक वर्ष सरकारले नै तोक्ने गर्छ । तर चिकित्सा क्षेत्रमा कार्यरत व्यक्तिहरु बाहेक धेरैलाई सरकारले तोकेको शुल्क थाहा नहुन सक्छ ।

चिकित्सा शिक्षामा लाग्ने शुल्कको विषयमा जानकारी नभएकै कारण धेरै विद्यार्थी तथा अभिभावक मेडिकल कलेहरुबाट ठगिने समेत गरेका छन् ।

त्यसलै चिकित्सा शिक्षा अध्ययन गर्ने विद्यार्थी र तीनका अभिभावकले शैक्षिक शुल्कको विषयमा जानकारी लिनैपर्ने हुन्छ । आज हामी तपाईलाई एमबिबिएस र बिडिएस अध्ययनका लागि सरकारले निर्धारण गरेको शुल्कको विषयमा जानकारी दिदैछौं ।

एमबिबिएस र बिडिएस अध्ययनमा सरकारले तोकेको शुल्क यस्तो छ 

शैक्षिक वर्ष २०७५/७६ मा एमबिबिएस र बिडिएसका लागि सरकारले पुरानै शूल्क कायम गरेको छ । गत असोज २६ गतेको मन्त्रिपरिषद्को निर्णय अनुसार शैक्षिक वर्ष २०७५/७६ का लागि सरकारले दुईथरी शुल्क निर्धारण गरेको छ ।

चिकित्सा शिक्षा अन्तर्गत स्नातक तह एमबीबीएस अध्ययनका लागि सरकारले यो शैक्षिक वर्षका लागि उपत्यकाभित्र ३८ लाख ५० हजार र उपत्यका बाहिर ४२ लाख ४५ हजार कायम गरेको छ ।

यस्तै बिडिएसतर्फ १९ लाख ३२ हजार ६ सय १२ रुपैयाँ कायम गरिएको छ ।

सरकारले आगामी शैक्षिक वर्षका लािग भने राष्ट्र बैँकद्वारा प्रकाशित मुद्रास्फिति दरका आधारमा शुल्क समायोजन जनाएको छ ।

सरकारले तोकेको शुल्क विपरीत कुनै पनि कलेजले विद्यार्थीसँग बढी शुल्क लिन पाउँदैन ।

यदी कुनै मेडिकल कलेजले बढी शूल्क लिएमा विद्यार्थी वा अभिभावकले सम्बन्धित जिल्ला प्रशासन कार्यालयमा उजुरी दिई सम्बन्धित

विश्वविद्यालय र प्रतिष्ठानमा सोको जानकारी गराउन सक्नेछन् ।

बढी शुल्क लिने मेडिकल कजेलाई सरकारले उजुरीको आधारमा छानबिन गरी कारबाही गर्ने गर्छ ।