कास्की– पोखरा रंगशालामा जारी छेटौँ पोखरा कप फुटबल अन्तर्गत आज (बुधबार)अन्तिम क्वार्टरफानल खेलमा डिफेण्डिङ च्याम्पियन मनाङ मस्र्याङ्दी र बिग्रेड ब्वाइज भिड्दैछन् ।

यसअघि मंगलबार भएको खेलमा पराजित हुँदै विभागीय टोली नेपाल पुलिस क्लब प्रतियोगिताबाट बाहिरिएको छ । मंगलबार भएको खेलमा जापानको रिस्हो युनिर्भसिटी टोलीले पुलिस क्लवलाई १–० ले हराएसँगै पुलिसको आगामि यात्रा टुंगिएको हो ।

जापनी टोलीको जितमा नात्सुकी ताकेदाले खेलको २० औँ मिनेटमा मिलाइदिएको पासलाई यासुताका सुजुकीले बललाई वान टचमै पोष्टको दिशा दिएका थिए । खेलको पहिलो हाफ जापानी टोलीको दबाबमा खेलेको पुलिस दोस्रो हाफमा पनि आशातित प्रदर्शन गर्न सकेन । दोस्रो हाफमा पुलिसले धेरै अवसरहरु पाए पनि गोल गर्न सकेन ।

खेलको ६९ औंं मिनेटमा भारत शाहले हानेको बललाई जापानीज गोलकिपरले बचाउ गरेपछि पुलिसभित्र निराश बन्यो । पुलिसलाई हराउन सफल भएको जापानी टोलीका नात्सुकी ताकेदाले म्यान अफ दि म्याच घोषित भए ।

कास्की जिल्ला फुटबल संघको आयोजनामा प्रतियाेगिता भइरहेको छ ।