काठमाडौं– विभिन्न मुलुकको मुद्रासहित एकै परिवारका पाँच जना त्रिभुवन विमानस्थलमा पक्राउ परेका छन् । नेपाल प्रहरीले गरेको चेकजाँचका क्रममा ठूलो परिमाणको विदेशी मुद्रा लिएर बैंकक जान लागेको टोलीलाई नियन्त्रणमा लिइएको हो ।

प्रहरीले ४८ वर्षका सुवास श्रेष्ठ, उनकी श्रीमती उमादेवी श्रेष्ठ, उनीहरुका १४ र ४ वर्षका छोरीहरु तथा ११ वर्षका छोरालाई नियन्त्रणमा लिएको छ । एसएसपी सन्दीप भण्डारीका अनुसार उनीहरु थाई एयरमार्फत बैंकक जान लागेका थिए ।

उनीहरुको साथबाट २१ हजार १ सय ५० थाइ भाट १ हजार ३ सय ८० यूरो, १० हजार यूएसडी र ८० हजार चिनियाँ युआन बरामद गरेको छ। पक्राउ परेका श्रेष्ठ विमानस्थलभित्रकै व्यवसायी रहेको बताइएको छ।