काठमाडौं–राजधानी काठमाडौंसहित देशका अधिकांश स्थानमा वर्षा भइरहेको छ । मौसम पूर्वानुमान महाशाखाले आज (शनिबार) देशभरको मौसम बदली भई पहाडी जिल्लामा मेघ गर्जनसहित पानी पर्ने, उच्च हिमाली क्षेत्रमा हिमपात हुने र तराईका जिल्लामा सामान्य हावाहुरी आउने अनुमान गरेको थियो । अहिले बाहिरको मौसम अध्यारो बनेको छ।
विभागको अनुमान मिल्नेगरी काठमाडौंमा बिहानैबाट सामान्य हावाहुरीसहित वर्षा भइरहेको छ । बंगालको खाडीमा उत्पन्न जलवास्पका कारण नेपालको मौसम बदली हुने तथा मेघ गर्जनसहितको पानी पर्ने मौसम पूर्वानुमान महाशाखाका मौसमविद बरुण पौडेलले बताए ।
भोलि (आइतबार) पनि देशभरको मौसम बदली हुने महाशाखाको अनुमान छ।
प्रतिक्रिया