काठमाडौं– साग पुरुष क्रिकेटमा नेपालले माल्दिभ्सलाई पराजित गरेको छ ।

शुक्रवार कीर्तिपुर क्रिकेट मैदान भएको खेलमा नेपालले माल्दिभ्सलाई ८४ रनले पराजित गरेको हो ।

नेपालले दिएको १ सय ६४ रनको लक्ष्य पछ्याएको माल्दिभ्स २० ओभरमा ६ विकेट गुमाउँदै मात्र ७९ रनमा समेटिएको थियो । यो जितले नेपाललाई फाइनल पुग्ने संभावना कायमै राखेको छ ।

टस जितेर पहिले ब्याटिङ गरेको नेपालले २० ओभरमा सात विकेट गुमाउँदै एक सय ६३ रन बनाएको थियो ।

नेपालका लागि दिपेन्द्रसिंह ऐरीले सर्वाधिक ३९ रन बनाए । यस्तै विनोद भण्डारी र कप्तान ज्ञानेन्द्र मल्लले समान १९–१९ रनको योगदान गरे । आरिफ शेखले १७ रन बनाउँदा रोहित पौडेलले १० रन थपे । यस्तै पारस खड्काले ११ रन बनाए ।

यसअघि नेपाल श्रीलंकासँग पारजित भएको थियो भने भुटानमाथि जित हात पारेको थियो ।