काठमाडौं– प्रतिनिधि सभाकी सांसद विमला विश्वकर्माले महिनावारी हुँदा महिलाले प्रयोग गर्ने प्याडको निशुल्क वितरण हुनुपर्ने माग गरेकी छन् ।

प्रतिनिधि सभाको बुधबार बैठकमा छाउपडी प्रथा अन्त्यसम्बन्धी जरुरी सार्वजनिक महत्वको प्रस्तावमाथिको छलफल सांसद विश्वकर्माले कण्डम निशुल्क वितरण गर्ने सरकारले महिलाले महिनावारी हुँदा प्रयोग गर्ने प्याडलाई निशुल्क वितरण गर्ने व्यवस्था नगरेको भन्दै संसदमा प्रश्न गरिन् ।

‘हामीले हाम्रो शौचालयहरुमा कण्डम फ्रि बनाएका छौं, तर महिलाले महिनावारी हुँदा प्रयोग हुने कटनका टुक्रा अथवा प्याडलाई फ्रि गराउन सक्यौ किन सकेनौ ?’ सांसद विश्वकर्माले प्रश्न गरिन्, ‘हाम्रो संसदको महिला शौचालय त्यहा प्याडको व्यवस्था छ ? छैन, यो संसदमा हामी महिला पनि यो संसदमा माननिय भएर बसेका छौं । खै संवेदनशिलता ? हाम्रो संसदको महिला शौचालयमा प्याड खै ?’