काठमाडौं- टीकापुर घटनासँग सम्बनि्धत मुद्दाका ११ जना अभियुक्त थुनामुक्त भएका छन् ।

टीकापुर घटनामा ५८ जनाविरुद्ध मुद्दा दर्ता भएकोमा जिल्ला अदालत कैलालीले बुधवार ११ जनालाई थुनामुक्त गरेको हो ।

जिल्ला अदालत कैलालीले प्रतिवादीहरुमध्ये लक्ष्मण थारु (चौधरी), लाहुराम चौधरी, रामकुमार कठरिया, सन्तराम चौधरी, विश्राम भनिने जीत बहादुर डगौरा, प्रेम बहादुर चौधरी, किशनलाल चौधरी, दिलबहादुर चौधरी, संगम भनिने सन्तोष थारु चौधरी, विश्राम चौधरी, चुन्की राम चौधरी र रामप्रसाद चौधरी गरी १२ जनालाई ३ वर्ष कैद सजाय सुनाएको थियो । जसमध्ये ११ जना अभियुक्तको पुर्पक्षका लागि थुनामै रहेका बेला कैद भुक्तान भइसकेकाले थुनामुक्त गर्न अदालतले आदेश जारी गरेको हो ।

३ वर्ष कैद सजाय सुनाइएकामध्ये चुन्नीराम चौधरी ३० फागुन २०७५ देखि थुनामा रहेकाले उनले बाँकी रहेको अवधिसम्म थुनामा बस्नुपर्ने अदालतले फैसला सुनाएको छ ।

*यसअघि समाचारमा थुनामुक्त हुनुपर्नेमा अन्यथा भएकाले सच्याइएको छ ।