काठमाडौं-नेत्र विक्रम चन्द (विप्लव) नेतृत्वको नेपाल कम्युनिस्ट पार्टीले चलाएको विष्फोटन र ध्वंसात्मक गतिविधिले सरकार गम्भिर भएको छ ।

सरकारले विप्लव नेतृत्वको समूहले गरिरहेको विध्वसांत्मक कामलाई नजिकबाट हेरिरहेको भन्दै गृहमन्त्री रामबहादुर थापाले यस्ता गतिविधिमा संलग्नलाई नियन्त्रणमा लिएर कारबाही गरिने बताए ।

सुरक्षा गोष्ठीमा सहभागि हुन धनगढी पुगेका गृहमन्त्री थापाले संघीय संसदमा संघीय प्रहरी र प्रदेश प्रहरीसम्बन्धी कानून निमार्णको अन्तिम तयारी भइरहेको जानकारी दिए।

मन्त्री थापाले कञ्चनपुरकी बालिका निर्मला पन्तका हत्यारा पत्ता लगाई कानूनको कठघरामा ल्याइछाड्ने प्रतिबद्धता व्यक्त गरे ।

छिटोभन्दा छिटो अपराधीलाई कानूनको कठघरामा उभ्याउने भन्दै गृहमन्त्री थापाले घटना भएको शुरुको लापर्वाहीका कारण जटिलता पैदा भएको मन्त्री थापाले बताए ।