काठमाडौं– प्रदेश ३ का मुख्यमन्त्री डोरमणि डौलेलले भारत सरकारको सहयोगमा निर्माणधीन हेटौंडास्थित नेपाल–भारतमैत्री पोलिटेक्निकको शुभारम्भ गरेका छन् ।

मुख्यमन्त्री पौडेलले  नेपालका लागि भारती कार्यवहाक राजदूत डा. अजय कुमारको उपस्थितिमा मंगलबार नेपाल–भारत मैत्री पोलिटेक्निक परियोजनाको शुभारम्भ गरेका हुन् ।

कार्यक्रममा प्रदेश नं ३ का सामाजिक विकास मन्त्री युवराज दुलाल, प्रदेश ३ का आर्थिक मामिला मन्त्री कैलाश ढुंगेल, प्राविधिक शिक्षा तथा व्यवसायिक तालिम परिषद (सीटिइभिटी) का सदस्य सचिव पुष्परमण वाग्ले लगायत ६ सय भन्दा बढी विद्यार्थीहरुको उपस्थिति रहेको थियो ।

व्यवसायिक तालिमको क्षेत्रमा अत्याधुनिक पूर्वाधार परियोजनाको रुपमा रहेको यस परियोजना भारत–नेपाल विकास साझेदारी कार्यक्रम अन्तर्गत भारत सरकारको भा.रु. ३८.५३ करोड अनुदान सहयोगमा निर्माण थालिएको हो ।

३२ एकड भन्दा बढी क्षेत्रफलमा यस पोलिटेक्निकको निर्माण हुनेछ । कूल १९,२०० वर्ग मिटर क्षेत्रफलमा निर्माण हुने पोलिटेक्निकमा प्रशासनिक भवन, प्राज्ञिक भवन, सभाहल, पुस्तकालय, कार्यशाला एवम् बहुद्देशीय हल, छात्र–छात्राका लागि छुट्टै होस्टल,
प्रधानाध्यापक तथा कर्मचारीका लागि आवासीय भवनका साथै खेलकुद तथा समुदायका लागि विभिन्न सुविधाको व्यवस्था हुने जनाइएको छ ।

यस परियोजना आगामी दुई वर्षभित्रमा सम्पन्न हुने अपेक्षा गरिएको छ ।