काठमाडौं– सुर्खेतको कटुकामा भएको गाईहत्याबारे छानबिन गर्न गृह मन्त्रालयबाट खटिएको छानबिन टोलीले आफ्नो काम थालेको छ ।
उक्त टोलीले घटनास्थल शिरिस्थान पुगेर सोधपुछ गर्नुका साथै जिल्ला समन्वय समितिबाट त्यस घटनासँग सम्बन्धित कागजात पनि लिएको छ ।
भैरवी गाउँपालिकाका अध्यक्ष प्रेमबहादुर थापा र दुल्लू नगरपालिकाका प्रमुख घनश्याम भण्डारीसँग कुराकानी गरिएको टोलीका संयोजक सागरमणि पाठकले जानकारी दिए ।
बुधबार दैलेख पुगेको टोलीले बिहीबार बिहान जिल्ला समन्वय समितिका संयोजक प्रेम थापालगायतसँग छलफल गरेको थियो ।
यसअघि नेपालगञ्जबाट पनि सात जनाको छानबिन टोली दैलेख पुगेर विभिन्न निकायसँग सोधपुछ गरिसकेको थियो ।
प्रतिक्रिया