प्रभासको ठूलो बजेटको फिल्म साहोको कमाई बक्स अफिसमा कमजोर बन्दै गएको छ ।

त्यसोत विदा नभएको दिनमा फिल्मको कमाइ घट्नु सामान्य कुरा हो । तर यो साल रिलिज भएको ठूलो फिल्मले पहिला हप्ता राम्रो कमाइ गरेको छ । सोमबार १४.२० करोड कमाएसँगै साहोको कमाइमा जबरजस्त कमी आएको हो ।

बुधबार साहोले ६.९० करोडको व्यापार गरेको थियो । ट्रेड एनालिस्ट तरुण आदर्शले ट्वीट गर्दै लेखेका छन् साहोले शुक्रवार २४.४० करोड, शनिवार २५.२० करोड, आइतवार २९.४८ करोड, सोमबार १४.२० करोड, मंगलबार ९.१० करोड र बुधबार ६.९० करोड कमाइ गरेको छ । साहोको हिन्दी भर्सनमा कुल कमाइ १०९.२८ करोड भएको छ ।

साहोले विश्वभरबाट ५ दिनमा ३५० करोडको कमाई गरेको ट्रेड एक्सपर्ट रमेश बालाले बताए ।

दुईवटा सुपरहिट बाहुबलि सिरिज दिएका प्रभासको साहोले तहल्का पिट्ने अनुमान भइरहेको बेलामा उनको फिल्मले सोचेजति सफलता प्राप्त गर्न सकेन ।