हेटौंडा– मकवानपुरको हेटौंडास्थित उद्योग, वाणिज्य तथा उपभोक्ता संरक्षण निर्देशनालयका अधिकृत (आठौं तह) चन्दनकुमार अमात्य घुस रकमसहित पक्राउ परेका छन् ।
उद्योग दर्ता गर्नका लागि आइई प्रतिवेदन स्वीकृत गर्ने प्रयोजनका लागि लिएको ५० हजार घुस रकमसहित अमात्य पक्राउ परेका हुन् ।
पूर्व सूचनाका आधारमा अख्तियार दुरुपयोग अनुसन्धान आयोगको हेटौंडास्थित कार्यालयबाट खटिएको टोलीले अमात्यलाई आइतबार घुस लिइसकेको अवस्थामा पक्राउ गरेको हो ।
घुस लिइसकेपछि कार्यालय परिसरबाटै पक्राउ परेका अमात्यमाथि थप अनुसन्धान भइरहेको अख्तियारका केन्द्रीय प्रवक्ता प्रदीपकुमार कोइरालाले जानकारी दिए ।
प्रतिक्रिया