काठमाडौं– अख्तियार दुरुपयोग अनुसन्धान आयोगले काठमाडौंको चन्द्रागिरी नगरपालिकाका लेखा अधिकृतविरुद्ध भ्रष्टाचार मुद्दा दर्ता गरेको छ ।
वैशाख २ गते २० हजार रुपैयाँ घुससहित पक्राउ परेका लेखा अधिकृत प्रकाशचन्द्र भट्टराईविरुद्ध आइतबार विशेष अदालतमा भ्रष्टाचार मुद्दा दर्ता गरेको हो ।
लेखा अधिकृत भट्टराई सडक मर्मत पश्चातको रकम भुक्तानीका लागि मागेको २० हजार रुपैयाँसहित पक्राउ परेका थिए ।
भट्टराईविरुद्ध २० हजार रुपैयाँ बिगो तथा जरिवाना र कैद सजाय माग गर्दै आइतबार विशेष अदालतमा मुद्दा दर्ता गरिएको अख्तियारको प्रवक्ता प्रदीपकुमार कोइरालाले जानकारी दिए ।
प्रतिक्रिया