काठमाडौं– इङ्गलिस प्रिमियर लिगको उपाधि होडमा रहेको लिभरपुलले वेष्टह्यामसँग अंक बाँड्नुपरेको छ । दोस्रो स्थानको म्यानचेस्टर सिटीसँगको दुरी बढाउने लक्ष्यमा रहेको लिभरपुललाई वेष्टह्यामले सोमबार राति घरेलु मैदानमा रक्षात्मक खेल खेल्दै अंक बाँडेपछि म्यानचेस्टर सिटीसँगको दुरी घटेको छ ।

लिभरपुलले ६२ अंक जोड्दै दोस्रो स्थानको सिटीमाथि ३ अंकको अग्रता बनाएको छ । क्षात्मक खेलेको वेष्टहामले लिभरपुलसँग १—१ गोलको बराबरी खेलेको थियो ।

डिसेम्बर २९ सम्म दोस्रो स्थानको सिटीसँग ९ अंकको दुरी बनाएको लिभरपुलले पछिल्ला दुई खेलमा अंक बाँड्दा सिटीसँगको दुरी घटेको हो ।

आइतबार आर्सनललाई पराजित गरेको सिटी ५ औं पटक उपाधि होडमा रहँदा बुधबार एभरटनसँग प्रतिस्पर्धा गर्दैछ । तेस्रो स्थानमा रहेको टोटनह्याम पनि उपाधि होडमा रहेको छ । म्यानचेस्टर सिटस्को ५९ अंक हुँदा तेस्रो स्थानको टोटनह्यामको ५७ अंक रहेको छ, जुन शीर्ष स्थानको लिभरपुलभन्दा ५ अंकले पछि छ ।

“गएको राति हामी अंक बढाउने उद्देश्यसहित मैदान प्रवेश गरेका थियौं । यो सत्य कुरा हो, यसमा क्षमाको कुरै छैन । हाम्रो तयारी राम्रो थियो तर, हामीले अंक जोडेका छौं,” लिभरपुलका मुख्य प्रशिक्षक योर्गन क्लोपले खेलपछिको प्रतिक्रियामा भने ।

खेलमा लिभरपुलका सदियो मानेले २२ औं मिनेटमा गोल गर्दै टिमलाई अग्रता दिलाएका थिए भने त्यसको ६ मिनेटपछि वेष्टह्यामका सदियो मानेले उत्कृष्ट गोल गर्दै लिभरपुलविरुद्ध १—१ को बराबरी पुर्याएको थियो ।