तनहुँ– तनहुँको भानू नगरपालिका–१३ बासपानीको खानेपाली समस्या नियन्त्रण गर्न तल्लो बासपानी खानेपानी उपभोक्ता समितिले धारामा ताल्चा लगाउन थालेको छ ।
खानेपानीको मूल सुक्न थालेको र भएको पानी पनि दुरुपयोग हुन थालेपछि समितिले धारामा ताल्चा लगाउने निर्णय गरेको हो । बिहान र बेलुका मात्रै धाराको ताल्चा खोलिने गरिएको छ । समितिका अध्यक्ष श्रीकृष्ण अधिकारीले खानेपानीको ट्यांकी सानो हुनुका साथै मूलबाट पर्याप्त मात्रामा पानी नआएका कारण खानेपाी संकट टार्न धारामा ताल्चा लगाउन थालेको बताए ।
‘जधाभावी धारा खोलिने र भएको पानी पनि खेर जान थालेपछि दुरुपयोग रोक्न धारामा ताल्चा लगाएका हौं, उनले भने, ‘संकलन भएको पानी बेहान–बेलुकामात्रै खोल्ने गरेका छौं ।’ आजको नयाँ पत्रिकामा खबर छ ।