काठमाडौं– नेपाल खेलकुद पत्रकार मञ्चमा दुर्गानाथ सुवेदीको नेतृत्वमा नयाँ कार्यसमिति निर्वाचित भएको छ।

शुक्रबार भएको निर्वाचनमा अध्यक्षका प्रत्यासि सुवेदीले ५५ मत प्राप्त गरे। अर्का अध्यक्ष का प्रत्यासी प्रकाश तिमल्सिनाले ४१ मत प्राप्त गरे।
वरिष्ठ उपाध्यक्षमा सञ्जीव सिल्पकार निर्विरोध चुनिँदा उपाध्यक्षमा ध्रव कुमार तुलाधर र निरंजन अधिकारी निर्वाचित भए।

निर्वाचनबाट महासचिवमा प्रज्वल ओली निर्वाचित भएका हुन्। त्यस्तै, सचिवमा गोविन्द रेग्मी विजयी हुँदा कोषाध्यक्षमा अञ्जन खड्का निर्विरोध चुनिए।

सदस्यहरुमा हिम बिक्रम केसी, दिल तामाङ र अनिल मल्ल ठकुरी निर्वाचित भए भने महिला सदस्यमा मुना कार्की निर्विरोध छानिइन्
११ जनाको कार्यसमितिमा ३ जना निर्विरोध छानिएका हुन्। नेपाल खेलकुद पत्रकार मञ्चमा ९८ सदस्य रहेका छन्। निर्वाचित कार्यसमितिको कार्यकाल ३ वर्षको हुनेछ।