काठमाडौं – चैत्र २९ गतेबाट प्रदर्शनमा आउने फिल्म ‘ए मेरो हजुर ३’ को नयाँ गीत सार्वजनिक गरिएको छ । गीतमा प्रविशा अधिकारीले स्वर दिएकी छिन् भने उदयराज पौडेलले एरेन्ज गरेका छन् । यस्तै गीतमा प्रदीप पौडेलको संगीत र शब्द छ ।

भिडियोमा अनमोल केसी र सुहानाको केमेष्ट्री सुहाएको देखिन्छ । गीतमा सुहाना अनमोलको प्रेममा डुबेको देखाइएको छ ।

झरना थापाले निर्देशन गरेको यो फिल्ममा अनमोल केसी र सुहानाको मुख्य भूमिका छ भने फिल्ममा अर्पण थापा, सलोन बस्नेत, रविन्द्र झा, रुपा घिसिङ, रक्षा गौतमक, विशाल पहाडी, रेयर राई, सरोज खनाल लगायतका कलाकारले अभिनय गरेका छन् ।

हिमाल केसीको द्वन्द्व निर्देशन रहेको फिल्मलाई सुनील कुमार थापाले निर्माण गरेका हुन् ।