काठमाडौं – एक जमानाकी व्यस्त नायिका नन्दिता केसी अमेरिका भासिएपछि नेपाली फिल्म क्षेत्रबाट टाढा छिन् । लामो समयको ग्यापपछि उनले अभिनय गरेको फिल्म ‘अमेरिकन बाबु मेड इन नेपाल’ हलमा रिलिज नभई सीधै युट्युबमा रिलिज भएको छ ।

ईश्वर थापाले निर्देशन गरेको यो फिल्म वितरकसँग कुरा मिल्न नसक्दा युट्युबमा रिलिज गरिएको हो ।

यो फिल्म अमेरिका र क्यानडामा बस्ने नेपालीहरुमाझ पहिले नै रिलिज भइसकेको छ । बाहिर रिलिज गर्दा नै फिल्मले झण्डै ८० प्रतिशत लगानी उठाइसकेको बताइएको छ ।

बाबु बोगटी, नन्दिता केसी, एहशान ढकाल, स्मृति पोखरेल लगायतका कलाकारको मुख्य भूमिका रहेको फिल्मलाई राजेश गुरुङ, मञ्जु राना, सञ्झना उप्रेती लगायतले निर्माण गरेका हुन् ।

फिल्ममा अमेरिकामा बस्दै आएका नेपालीको कथालाई कथानक बनाइएको छ ।