काठमाडौं– मधेस केन्द्रित दल राष्ट्रिय जनता पार्टी (राजपा)का नेता राजेन्द्र महतो काठमाडौंका सम्धी बनेका छन् ।

संविधान जारी हुँदाको बेला मधेसमा जारी आन्दोलनका बीच भारतसँगको नाका गएर ‘काठमाडौंको दानापानी बन्द गरिदिने’ धम्की दिएका महतोले अन्ततः काठमाडौंको रैथाने नेवार परिवारकी छोरीलाई बुहारीको रुपमा भित्र्याएका छन् ।

महतोका छोरा राघवेन्द्र महतोले काठमाडौं डिल्लीबजारका प्रकाशकाजी तुलाधरकी छोरी पलिशा तुलाधरसँग विवाह गरेका हुन् ।

बिहीबार काठमाडौंको एक होटेलमा भएको विवाह समारोहमा विभिन्न राजनीतिक दलका नेता, नेपालस्थित कुटनीतिक नियोगका प्रतिनिधि, पत्रकार र व्यवसायीहरु सहभागी भएका थिए ।

महतोका छोराको विवाहमा सहभागी भएका समाजवादी पार्टीका संघीय परिषद अध्यक्ष एवम् पूर्व प्रधानमन्त्री डा. बाबुराम भट्टराईले महातोका छोराको विवाहलाई ‘पहाड र मधेसको संस्कृतिको रोचक फ्यूजन’का रुपमा अर्थ्याएका छन् ।

पूर्वप्रधानमन्त्री भट्टराईले फेसबूकमा लेखेका छन्– राजपा नेता राजेन्द्र महतोका सुपुत्र राघवेन्द्र महतोको काठमाडौंकी सुश्री पलिशा तुलाधरका साथ सुसम्पन्न शुवविवाहमा पहाड र मधेसको संस्कृतिको रोचक फ्यूजन !