काठमाडौंको भृकुटीमण्डपमा यामाहाको महाएक्सचेन्ज मेलामा शुरु भएको छ । एमएडब्लु इन्टरप्राइजेजले मोटरसाइकलका पारखीहरुलाई यामाहा ब्रान्डमा अपग्रेड हुन आह्वान गर्दै यामाहा महाएक्सचेन्ज मेला सुरु गरेको हो ।

मेला २२ मंसिरसम्म ५ दिनका लागि संचालन हुनेछ । यामाहा महाएक्सचेन्ज मेलामा ग्राहकले जुनसुकै ब्रान्ड र अवस्थाको पुरानो मोटरसाइकल तथा स्कुटरको प्रचलित बजार मूल्यांकनभन्दा थप १५ हजार रुपैयाँ बढी मूल्यांकन पाइने आयोजकको भनाइ छ । साथै, ग्राहकले ३० भन्दा बढी रिकण्डीसन हाउसबाट आफ्नो साधनको सहि मुल्याङकन पाइनेछ ।

मेलामा जुनसुकै ब्रान्डका पुराना मोटरसाइकलसँग यामाहाका नयाँ बाइक साट्न सकिनेछ ।

ग्राहकले ७ हजार रुपैयाँ नगद छुट, फ्रि एसेसोरिज, अन द स्पट फाइनान्सिङ सेवा, टेस्ट राइडमा आकर्षक उपहार पनि पाइनेछ ।

महाएक्सचेन्ज मेलामा ख्याती प्राप्त कलाकारहरुको आगमनले मेला अझै भब्य हुने बताइएको छ ।