काठमाडौं –प्रधानसेनापति पूर्णचन्द्र थापा र एशिया प्रशान्त क्षेत्रका लागि सुरक्षा मामिलासम्बन्धी अमेरिकी सहायकमन्त्री रन्डलजी स्च्रिभरबीच भेट वार्ता भएको छ ।
बिहीबार प्रधानसेनापति पूर्णचन्द्र थापा र संयुक्त राज्य अमेरिकाको सहायकमन्त्री रन्डलजी स्च्रिभरबीच जंगी अड्डामा शिष्टाचार भेटवार्ता भएको हो ।
उक्त भेटवार्तामा उनीहरुबीच नेपाली सेनाको विपद् व्यवस्थापन क्षमता, विश्व शान्ति स्थापनाका लागि नेपाली सेनाको भूमिका तथा नेपाली सेनालाई अमेरिकी सहयोग सम्बन्धका विषयमा छलफल भएको थियो ।
सहायकमन्त्री स्च्रिभरले आजै उपप्रधान एवं रक्षामन्त्री ईश्वर पोखरेलसँग पनि भेट वार्ता गरेका थिए ।
प्रतिक्रिया