काठमाडौं– सरकारले हाइब्रिड गाडीमा दिँदै आएको भन्सार छुट खारेज गरेको छ ।

अर्थ मन्त्रालयले गत १६ गते राजपत्रमा सूचना प्रशाशित गरेर विगतमा हाइब्रिड गाडीमा दिएको छुट खारेज गरेको जानकारी गराएको छ ।

अर्थ मन्त्रालयले चालू वर्षको आर्थिक ऐनमार्फत भन्सार र अन्तः शुल्कमा ५०.५० प्रतिशत छुट दिने कानुनी व्यवस्था गरेको थियो ।

हाइब्रिड गाडी अन्य गाडीहरुको तुलनामा फरक छ। यसले वातावरणमा समेत सहयोग पुर्याउँदछ। हाइब्रिड गाडी दुई प्रकारको शक्तिको उपयोग गर्ने साधन हो ।

एउटा इलेक्ट्रिकबाट चल्ने र अर्को इन्धनबाट चल्ने । हाइब्रिड गाडीले इन्धनको खपत कम गर्ने र वातावरणिय पर्यावरणका जोगाउने विज्ञहरुले बताएका छन् । जसका कारण वातावरण सफा हुने दाबी गरिएको छ ।