काठमाडौं – युवा अभिनेता प्रदीप खड्का र जसिता गुरुङको मुख्य भूमिका रहेको फिल्म ‘लभ स्टेशन’ को ट्रेलर सार्वजनिक गरिएको छ । राजधानीमा एक औपचारिक कार्यक्रमको आयोजना गर्दै फिल्मको ट्रेलर सार्वजनिक गरियो ।

युट्युबमा समेत ट्रेलरलाई बुढासुब्बा डिजिटलको सार्वजनिक गरिएको छ ।

३ मिनेट २१ सेकेन्ड लामो ट्रेलरमा प्रदीप र जसिताको लभ, रोमान्स र पीडालाई समेटिएको छ । यस्तै ट्रेलरमा जसिता र प्रेमको माया छचल्किएको पनि देख्न सकिन्छ ।

उज्ज्वल घिमिरेले निर्देशन गरेको यो फिल्मको ट्रेलर कमेडी पनि लाग्छ । सुवास सिंह बस्नेतको लेखन रहेको फिल्मलाई गोविन्द शाही, किशु शाही र कविर विक्रम शाहीले निर्माण गरेका हुन् ।

साथै फिल्ममा अर्जुन जिसी र लोकेश बज्राचार्यको सम्पादन, कुमार श्रेष्ठको एक्सन तथा आलोक शुक्लाको डीओपी छ ।

यस्तै ‘लभ स्टेशन’ मा प्रदीप र जसिताका अलावा रमेश बुढाथोकी, सिरु विष्ट, रवि डंगोल, प्रिया रिजाल, प्रकाश शाह, दिनेश काफ्ले लगायतले अभिनय गरेका छन् ।

फिल्म चैत्र २२ गतेबाट प्रदर्शनमा आउँदैछ ।