देश भित्रैका बिद्रोहीसँग शक्तिहीन प्रमाणित सेनाले
टुँडिखेलको बार भित्र शक्ति प्रदर्शन गर्नु किन ?
सीमाना मिचिएको छ, राजधानीमा पड्किएको छ
यो शिवरात्रिमा सेनाको तामझाम किन ?
टुँडिखेलमा सधैँ चटकिले चटक देखाउञ्छन्
नजान्नेले बरु चटक हेर्नु, देखाउनु किन ?
शिवको भक्तिले शक्ति मिल्छ भन्छन्
बरु भजन गाउनु डमरु बजाउनु, तोप पड्काउनु किन ?
यात्रुसहित सिङ्गै बस र हेलिकोप्टर झ्यामझ्याम खोला र पहिरोमा हाम फल्ने देशमा
प्यारासुट चढेर टुँडिखेलमा एउटो मान्छे खुत्रुक्क ओर्लनु किन ?
शान्ति सेना बनेर कुनकुन देशमा शान्ति पनि ल्याइदिए रे
बिदेशमा शान्ति ल्याइदिन सक्नेले देशमा चै नसक्नु किन ?
प्रतिक्रिया